ԸՆԴՈՒՆԱՐԱՆԻ ԱՇԽԱՏԱԿԻՑ

Մեր գործընկեր «Յուվենտուս Ակադեմիա Արմենիայի» համար փնտրում ենք ընդունարանի աշխատակից։

​

«Յուվենտուս Ակադեմիա Արմենիայի» ընդունարանի աշխատակցի հիմնական նպատակն է ապահովել բարձրակարգ սպասարկում, իրականացնել պայմանագրային գործընթացների ճշգրիտ ու պատշաճ վարում, ապահովել տեղեկատվության հոսքը ծնողների, սաների և աշխատակազմի միջև, ինչպես նաև պահպանել Ակադեմիայի ներքին կարգապահությունն ու ընդունարանի տարածքում աշխատանքային սահուն ընթացքը:

​

ՀԻՄՆԱԿԱՆ ՊԱՐՏԱԿԱՆՈՒԹՅՈՒՆՆԵՐ ԵՎ ԳՈՐԾԱՌՈՒՅԹՆԵՐ

1. Պրոֆեսիոնալ և բարեհամբույր դիմավորել և ուղղորդել Ակադեմիա այցելած երեխաներին, ծնողներին և հյուրերին:

2. Տրամադրել մանրամասն և ճշգրիտ տեղեկատվություն Ակադեմիայի ծառայությունների, մարզումների ժամանակացույցի, ներքին քաղաքականության, ընդունելության ընթացակարգերի և այլ հարակից հարցերի վերաբերյալ։

3. Իրականացնել Ակադեմիայի սան դառնալու համար անհրաժեշտ պայմանագրերի կնքման գործընթացը ծնողների (կամ օրինական ներկայացուցիչների) հետ:

4. Ծնողներից պահանջել և հավաքագրել գրանցման համար սահմանված համապատասխան փաստաթղթերի ամբողջական փաթեթը:

5. Կրել պատասխանատվություն պայմանագրերի ճշգրիտ, անսխալ լրացման, տվյալների արժանահավատության և փաստաթղթերի պատշաճ պահպանման համար:

6. Պատասխանել մուտքային հեռախոսազանգերին, էլեկտրոնային նամակներին և սոցիալական էջերով ստացված հաղորդագրություններին՝ նախօրոք մշակված և անմիջական ղեկավարի կողմից տրամադրված տեղեկատվությանն ու ստանդարտներին համապատասխան։

7. Մշտական, արդյունավետ կապի մեջ լինել Ակադեմիայի սաների ծնողների, ինչպես նաև ներքին այլ ստորաբաժանումների (մարզչական կազմ, մարքեթինգ, անվտանգություն) հետ։

8. Անհրաժեշտության դեպքում մուտքային հեռախոսազանգերից, էլեկտրոնային նամակներից և սոցիալական էջերից ստացված հատուկ կամ լրացուցիչ պարզաբանում պահանջող տեղեկատվությունը օպերատիվ կերպով փոխանցել անմիջական ղեկավարին կամ համապատասխան ստորաբաժանումներին:

9. Վերահսկել ընդունարանի ու սպասասրահի տարածքում ներքին կարգապահական կանոնների պահպանումը:Ակտիվ համագործակցել անվտանգության աշատակիցների հետ՝ դեպի մարզադաշտեր, հանդերձարաններ և ծառայողական տարածքներ կողմնակի անձանց չօրինականացված մուտքը կանխելու նպատակով:

10. Արտառոց իրավիճակների պարագայում արագ արձագանքել և անհապաղ տեղեկացնել անվտանգության աշխատակիցներին։

11. Ակադեմիայի կողմից կազմակերպվող մրցաշարերի, բաց մարզումների, շնորհանդեսների և այլ միջոցառումների ընթացքում՝ անմիջական ղեկավարի հանձնարարությամբ աջակցել կազմակերպչական աշխատանքներին (այցելուների գրանցում, տեղաբաշխում, ուղղորդում և հարակից աջակցություն):

12. Անմիջական ղեկավարի հանձնարարությամբ կատարել վերոնշյալ գործառույթներից բխող այլ ընթացիկ աշխատանքներ։

​

ՊԱՀԱՆՋՎՈՂ ՈՐԱԿԱՎՈՐՈՒՄՆԵՐ ԵՎ ՀՄՏՈՒԹՅՈՒՆՆԵՐ

• Բարձրագույն կամ թերի բարձրագույն կրթություն:

• Առնվազն 1 տարվա աշխատանքային փորձ սպասարկման, ընդունարանի (reception) կամ փաստաթղթաշրջանառության վարման ոլորտում:

• Հայերենի գերազանց տիրապետում, ռուսերենի և անգլերենի լավ իմացություն:

• Բարձր պատասխանատվություն փաստաթղթերի հետ աշխատանքում, ուշադրություն մանրուքների նկատմամբ, MS Office և CRM համակարգերով աշխատելու կարողություն:

​

ԱՇԽԱՏԱԺԱՄԱՆԱԿ ԵՎ ԱՇԽԱՏԱՎԱՐՁ

Շաբաթական 30 ժամ, 150․000 դրամ աշխատավարձ։

​

ԱՇԽԱՏԱՎԱՅՐԸ

Ծիծեռնակաբերիդ խճուղի 3/2( Դալմայի դիմաց) և Ավան, Աճառյան 20/4